Maama ayiiridde abaana be babiri amafuta n’abakumako omuliro

By Musasi wa Bukedde

Added 16th August 2017

OMUKAZI ayiiridde abaana be babiri amafuta n’abakumako omuliro ne batwalibwa mu ddwaaliro nga bataaawa, olwa bba obutamulekera ssente za ka mmeeza.

Abaana abayokeddwa.

Shirat Namatovu ,28 ow’omu Koona Zooni e Kawempe yayiiridde mutabani we Milrez Okwengera 3, ne muwala we Swabulah Agutu 4, amafuta n’abakumako omuliro ng’obusungu bwavudde ku bba Benard Wandera obutamulekera ssente za ka mmeeza ez’okugula emmere.

Muliraanwa we, John Mugerwa yagambye nti yawulidde abaana nga bakaaba n’akokona oluggi kyokka omukyala n’agaana okuggulawo kwe kusamba oluggi n’asanga abaana nga bakumiddwako omuliro ng’engoye n’ebimu ku bitundu by’omubiri nga biyidde.

Yakubidde poliisi y’e Kawempe eyazze n’ebatwala mu ddwaaliro ate maama waabwe ne bamutwala mu kkomera.

Omukazi yalaajanye nga poliisi emutwala nti bba abadde amulekera 5,000/- buli lunaku ku luno teyamulekedde wadde ennusu nga talina kya kuliisa baana era mu busungu nga bamukaabirira kwe kubakumako omuliro